Hpakant, Seng Tawng buga hkalup hpung nawku jawng wang hta wan hkru

Hpankant, Seng Tawng buga hkalup hpung nawku jawng wang hta January praw 8 ya shana hkying 6:20pm aten daram hta wan sumri short byin nna wan jak ginsum hte Ma shalet jawng 2 hkru mat ai lam chye lu ai.

Wan hkru ai hta masha gaw hpa nra ai raitim, arung arai ni hpa mung nlu la mat ai, wan sat mawdaw hte Company kaw na hka htaw mawdaw ni lawan du wa ai majaw, wan hpe lawan bai lu shazim kau ai re lam, buga na salang langai shana wa ai.

Wan kaw hkru lawm mat ai arung arai manu hpe ntsalam sawn yang Kyats 2,000,000 ( Sen hkun ) daram sum machyi ai rai nna, ya aten hta wan jak hpe yu ai salang Zau Bawk gaw wan gawnhkang lam hta ahpa atang sha galaw ai majaw,  seng ang ai asuya lit nga ai salang ni hku nna, tara jawat da ai lam chye lu ai.