12 lang na KBC La shawa sharin hpawng kaba galaw
Jinghpaw Wunpawng Hkalup Hpung KBC Kawa la ni a sharin hpawng kaba hpe Myitkyina Nawngnang Chyum College Jawng wang kaw March, 21 ya shani kawn 25 ya shani du hkra
galaw sa wa na re lam na chye lu ai.
March 21 ya shana daw hkying 4:00pm aten AD 2000 masat htingnu hta KBC shang wang kata nga ai ginwang 16 na Kawa la ni hpe, Myitkyina ginwang ni kawn hkap tau hkalum lamang galaw ai lam hpe chye lu ai.
Dai sharin hpawng hta sharin ya na sara ni gaw, Rev. Dr. Lahpai Awng Li ( MIT ), “ Dai madu hta mungdan hpe bai gawgap ga” ngu ai gabaw hte sharin ya na re lam, Rev. Dr. Hkalam Samsun ( KBC Amu Madu ) gaw, “Kahkyin gumdin ai hte hkristu hta kaba rawt wa ga”, Rev. Gunhtang La Myen gaw, “KBC a labau”, Rev. Marip Bawk San gaw, “Myu sha ni a ginru ginsa labau”, Dr. Ubyit Ja Bu gaw “hkam kaja zet let ai Kawa”, Sara Lagwi Ying Kyang ( KBC Ramma Hpa-awn ) gaw “Hpaji hpe tsawra ai Kawa” Sutdu Dashi Yaw Ba gaw, Sut hte seng ai lakjet ni hpe sharin sa wa na re lam na chye lu ai.
Dai ning na KBC Kawa la ni a sharin hpawng gabaw gaw “Dai madu hta mungdan hpe bai gawgap ga” ngu ai gabaw kaba hte lakap nna sharin sa wa na re lam KBC shiga lawk kawn chye lu ai.
