2017 Shaning Ninghpaw Chyeju Shakawn Wunli La Akyu Hpyi Hpawng Galaw

Laiza Muklum Padang Hkrun Lam Majan Masing Woi Awn Rung hta 2017 ning, Shaning ninghpaw chyeju shakawn wunli la Akyu hpyi hpawng

lamang hpe Junuary praw 1 ya jahpawt hkying 7:00am aten hta galaw ai lam chye lu ai.

 Lamang hta;

Ginjaw Komiti Tingnyang Up a 2017 shaning ninghpaw shatsam mungga hpe Salang Kaba Kumhtat Thing Nan kawn hti htawn ai lam.

Wunpawng Myu sha ni shut  lai mat wa sai mara ni yawng hpe Karai Kasang kaw hpyi nem ai lam ( Bishop John Zau Li ).

Lai wa sai 2016 shaning tup hta hkam la lu sai chyeju yawng hpe chyeju shakawn akyu hpyi ai lam ( Rev. Maji Bawk La ).

2017 shaning a shawnglam Mung masa, hpyen masa a matu akyu hpyi ai lam ( Ningla Shalaw Shawng ).

KIO Ginjaw hpe htim gasat nga ai tai hpyen a majan masing hpe dang manga kau lu na matu hte Karai Kasang bau sin makawp maga ya na matu ( Rev. Chyangmaja Tu Shan ).

Amyu sha lawt lu lam rawt malan magam bungli hpe makam masham ngang ngang hte Wunpawng Amyu sha ni yawng gun hpai lu na matu ( Rev. Zi Lay )

2017 shaning a “ Dai nlang “ chyeju wunli hkam la lu na matu ( Fr.Vincent Zinwa Shan Lum ) ni kaw nna akyu hpyi woi awn ai hte Kairai Kasang a Chyum Mungga hpe KBC amu madu Rev. Dr. Hkalam Samson kawn htawn tsun ai lam chye lu ai.