2018 shaning ninghpaw chyeju shakawn wunli la akyu hpyi hpawng galaw

Laiza Muklum Badang Rung Gawknu hta 2018 shaning ninghpaw chyeju shakawn wunli la akyu hpyi hpawng hpe, January praw 1 ya jahpawt hkying 7:00am aten hta galaw ai lam chye lu ai.

Akyu hpyi hpawng hta Wunpawng Mungdan Shanglawt Hpung Ginjaw Komiti Tingnyang Up a 2018 shaning ninghpaw shatsam mungga hpe, Salang Kaba Kumhtat Hting Nan ( Ninggawn Amu Madu ) kaw nna hti htawn ya ai.

Nawku Hpung woi sara kaba ni hku nna gaw, mara raw akyu hpyi ya ai lam, lai mat sai 2017 ning hta hkamla lu sai chyeju ni hpe shakawn akyu hpyi ya ai lam hte 2018 shaning tup a matu Karai Kasang kaw wunli la akyu hpyi ai lam hpe galaw ai rai nga ai.

Laiza Muklum Sinpraw Majoi Manau Wang Gawknu hta mung, 2018 shaning ninghpaw chyeju shakawn wunli la akyu hpyi hpawng hpe magam dap, makan dap shagu na magam gun ni hte mungchying mungshawa yawng marai 600 daram sa du shang lawm akyu pyi la lu sai lam chye lu ai.