2020-2021 ning jawng lung shaning hta jawng lung hpang sa wa na jawngma ni a mying jahpan hte jawng shabrai hpe hkap la sa wa na lam ndau
Jinghpaw Wunpawng Chyum Dakkasu (KTCS) a 2020-2021 ning jawng lung shaning hta jawng lung sa wa na jawngma ni a mying jahpan hte jawng shabrai hpe December shata 23 ya shani hpang jahtum tawn hkap la sa wa na re lam December shata praw 2 ya shani, Jinghapw Wunpawng Chyum Dakkasu (KTCS) kaw nna ndau da ai re lam chye lu ai.
M.Div Special English, First year, Second year class ni, B.Th Special English Class, First year, Second year, Third year class ni hte L.Th First year, Second year, Third year class ni, First Semester jawng lung ai lam hpe online distance learning hku nna January shata praw 5 ya shani kaw nna sharin hpang wa na re majaw, jawng mying, jawng shabrai bang ai lam hpe 2020 ning December shata 23 ya shani hpang jahtum bang ra na lam, KTCS a ndau shana laika hta ka da ai re.
Ndai program ni yawng First Semester a matu jawng shabrai 250000 kyats bang ra na rai nna, jawng mying bang ngut ai ni hpe online hku laika sharin ladat hte seng nna sharin achyin ai lam galaw sa wa na re majaw, aten dep jawng mying bang ra na lam chye lu ai.
Masat da ai aten hta jawng mying nbang ai jawngma ni hpe dai ning na jawng lung shaning hta nhkap la ai rai nna, jawng shabrai bang ai lam hpe jawng rung de nre sha Aya Bank kaw bank account No. 0030202010287033 (Bank Account Name: KTCS +5) hta bang ra na hte Bank hta jawng shabrai bang ai shaloi jawngma a mying hte class hpe hkrak receipt hta ka bang shangun na rai nna, nta masha/jinghku/manang ni a mying hte jawng shabrai nbang na lam, jawng mying bang ai hkrang (form) hpe Registrar Sara Lahtaw Zau Ja (Ph-09971200232/ email address: registrar@ktcs.edu.mm) hpang de shadu na re lam ndau laika hta ka shalawm da ai kaw na chye lu ai.
