2022-2023 ning Hpaji ladaw, Wunpawng Mungdan Shanglawt Asuya, Tsang 10 sanpoi awng jawngma jahpan ndau
2022-2023 ning Hpaji ladaw, Wunpawng Mungdan Shanglawt Asuya, Tsang 10 sanpoi awng jawngma jahpan ndau ai hpe May shata praw 6 ya jahpawt Ginjaw Hpaji Dap kaw nna ndau shapraw da ai hpe chye lu ai.
Shanglawt Asuya lahta tsang jawng hta, tsang 10 sanpoi htai ai jawngma yawng marai 2735 nga ai kaw na, sanpoi awng ai jawngma yawng marai 1437 rai nna, dai ning na awng shadang tsa lam 52.45% nga ai re.
Awng pru ai jawngma ni hta dawn jan ginhpan (Distinction) pru ai jawngma ni hta English kaw (45), Mathematics (2), Physics (29), Chemistry (30), Biology (40), Economic (171), History (3) hte Geology (3) re hpe chye lu ai.
Ginjaw Hpaji Dap kaw nna lit la hpaw sharin ya ai lahta tsang jawng ni gaw, Laiza Lahta Tsang Jawng, Mai Ja Yang Lahta Tsang Jawng (Htoi Ning Shawng Lahta Tsang Jawng), Mungmyit Sinli Lahta Tsang Jawng, Alen Bum Lahta Tsang Jawng, N-gum La Lahta Tsang Jawng, Nba Pa Lahta Tsang Jawng, Uru Lahta Tsang Jawng, Chyinghtawng Pa Lahta Tsang Jawng, Lawt Awng Lahta Tsang Jawng, Lawt Awng 2 Lahta Tsang Jawng hte Mung Baw Lahta Tsang Jawng ni re hpe mung chye lu ai.
