2023-2026 Hpaji ladaw, Nursing hte Midwifery Diploma jawng shawk shawn Form hpe Ginjaw Hkaja Dap kaw na ndau
Wunpawng Mungdan Shanglawt Asuya, Ginjaw Hkamja Dap na hpaw sharin ai 2023-2026 hpaji ladaw, Nursing hte Midwifery Diploma jawng shawk shawn form hpe Mungdan Hkamja Dap kaw na ndau ai lam chye lu ai.
Jawng shang masat jit-na ndau na hte shawk shawan laika pa hpe May shata kaw na June shata du hkra hkap la nhtawm, July shata (20) hpang jahtum hkap la na, August shata praw (1) kaw na (20) ya shani lahkum masat shapraw na, Awng/sum mahtai ndau na hte English laika shang htai na nhtoi hpe ndau na, jawng shang ahkang man chyaw n-gup htai (interview) na matu jawng de du sa wa ra na hpang jahtum gaw August shata (31) ya, September shata praw 1 kaw na praw 5 du hkra man chyaw n-gup htai galaw na, praw 8 ya kaw jawng shang ahkang mahtai ndau na hte 15 ya hta gaw jawng hpaw hpang sa wa na re lam chye lu ai.
Sharin ladaw masat ai lam hta tsi gawn lajang (Nursing) hte shangai chyinhkai (Midwifery) Diploma jawng hpe sharin ladaw (3) ning (Preclass,Theory,Practical) sharin nna, shaning shagu jawngma hkap la sa wa na hte jawngma law htum (80) tup hkap la na re.
Jawngma langai hta lawm sa wa ra na arung arai ni gaw, yup ra hpun nba, shinggan hpun palawng zum (8) hte tsi dictionary, Nurses Dictionary, Stethoscope, BP cuff ni lawm sa wa ra ai.
Nursing hte Midwifery Diploma hta lung na masha, laika hpaji tsang (10) awng ra na,amyu shayi rai ra na, mak sam htu da ai wan rai na hte kara nsam nchya lu na, English laika hpe jawng shang ahkang sanpoi htai awng ra na, asak (16) ning hte (25) ning lapran na ni hpe hkap la na hte hkum tsaw shadang (4’ 8’’) lahta re ra na lam chye lu ai. re lam chye lu ai.
