( 38 ) Lang na Wunpawng Mungdan Shanglawt Amyu Shayi Masat N’htoi hte Amyu Shayi mgam gun ( 10 ) ning hpring shagrau sha-a hpawng galaw
August, 19 ya shani ladu hkrum ai ( 38 ) Lang na Wunpawng Mungdan Shanglawt Amyu Shayi masat n’htoi hpawng hpe Laiza muklum Sinpraw Majoi Manau wang gawknu hta jahpawt hkying 10:00am aten galaw ai hpe chye lu ai.
Dai hpawng hta Amyu Shayi Hpung Ningbaw Hpawmi Nangzing Kaw Hpang kawn ( 38 ) Lang na Amyu Shayi Masat N’htoi Mungga shaga ai lam, Mungga hta “ Dai ni gaw
August, 19 ya shani ladu hkrum ai ( 38 ) Lang na Wunpawng Mungdan Shanglawt Amyu Shayi masat n’htoi hpawng hpe Laiza muklum Sinpraw Majoi Manau wang gawknu hta jahpawt hkying 10:00am aten galaw ai hpe chye lu ai.
Dai hpawng hta Amyu Shayi Hpung Ningbaw Hpawmi Nangzing Kaw Hpang kawn ( 38 ) Lang na Amyu Shayi Masat N’htoi Mungga shaga ai lam, Mungga hta “Dai ni gaw Wunpawng Amyu Shayi ni a atsam ningja hpe Amyu sha rawt galu kaba wa na magam bungli hte Mungdan lawt lu lam hta zai ladat shaw, n-gun shapraw let hpa di hpa daw tai lu na matu, Yaw shada myit mada ai hte hpaw shabawn hpang dat ai wunli wungau hpring tsup ai ( 38 ) lang na Wunpawng Mungdan Shanglawt Amyu Shayi Hpung masat n’htoi rai nga mali ai, Kanu Kana ningshawng ningla ni masing gran masat jahkrat da ai amyu shayi ni a magam lit ni hpe nhtum ndi awng dang rawt jat wa hkra lata tut hta magam bungli gun hpai shachyen shaja wa ga” nga nna mungga jaw la ai hpe chye lu ai.
Matut nna, Wunpawng Mungdan Shanglawt Amyu Shayi Hpung a Ninghpum Salang Hpawmi Hpaure Hkawn Ja kaw na Hpaji jaw shatsam Mungga shaga ai lam, Mungga hta “38 ning hpring sai Amyu Shayi wuhpung wuhpawng hpe rawt jat ai hta grau awng dang ai lam lu la hkra, Amyu sha lam yan hta madi shadaw gunhpai sa wa lu na matu yawng myit hkrum ta gindun nna magam bungli galaw gunhpai sa wa ga” nga nna hpaji jaw shatsam ai hpe mung chye lu ai.
Bai nna, Amyu Shayi magam gun ladaw ( 10 ) ning hpring sai Kanu Kana ni hpe shagrau lakmat jaw ai lamang mung galaw nhtawm, Rev. Lahpai Shing Rip kawn Magam gun hpai lai wa sai Kanu Kana ni hte ta tut magam bungli gunhpai nga ai Amyu shayi hpung ni yawng a matu Karai Kasang kaw akyu hpyi ap nawng ya ai hpe chye lu ai.
Amyu Shayi Masat N’htoi lamang hpe Pajau mare hta mung jahpawt hkying 10:00am aten hta galaw ai lam chye lu ai.
