39 lang na KBC hpung shawa zuphpawng galaw
Jinghpaw Wunpawng Hka Lup Hpung Ginjaw 39 lang na KBC hpung shawa zuphpawng hpe Sam mung ginwang Lashu buga kaw March shata 24 ya shani kaw nna galaw ai lam chye lu ai.
March shata 24 ya shani manam zup nhtawm, March shata 28 ya shani manam bra na rai nhtawm, 39 lang na KBC hpung shawa zuphkawng hta Mungmau ginwang, Uru Sengmaw ginwang, Sama ginwang, Kingdung ginwang, Lawu Ga ginwang, Jahpwi ginwang, USA ginwang, Asia ginwang, Europe ginwang, ANZ ginwang, Manmaw ginwang, Myitkyina ginwang, Sam Mung ginwang, Hka Hku Mung ginwang, Htingnai ginwang, Putao ginwang, Nog Mung ginwang, Waimaw ginwang hte Kutkai ginwang kaw na hpung shawa ni sa du shang lawm ai lam chye lu ai.
Hpung shawa zuphpawng hta 2022-2026 ning laman na KBC mu gun ningnan ni hpe tang san shagrin ai lam, chyum laika sharin ai lam, madun gawk ni hte March shata 27 ya shana hta Mungmyit Sinli Wunpawng shingni hpung ningbaw, yu ngwi ninghkring sut du Dashi Gun La woi awn nhtawm, myusha lam myit sharawt yu gwi pinra lamang ni galaw ai lam chye lu ai.
KBC Ningbaw – Rev. Hpauwung Gun Tang (Kutkai), Ningtau Ningbaw 1 – Rev. Lagang Ze Hkawng (Waimaw), Ningtau Ningbaw 2 – Dr. Mukwa Dai Naw (Lawu Ga), Amu Madu – Rev. Hpauyawng Tu Mai (Lawu Ga), Ningtau Amu Madu – Rev. Lahpai Zau Ra (Mungmau), Sut Magam Dap – Rev. Mangkyi Hkawng Lum (Myitkyina).
Kabu Gara Shiga hte Sasana Magam Dap – Rev. Dr. Sumlut Gam Maw (Waimaw), Hkristan Hpaji Magam Dap – Srn. Latung Bawm Lung (Waimaw), Hpung Sara Magam Dap – Rev. Xawlang Hkaw Bawm (Uru Seng Maw), Karum Gahtau hte Bawngring Magam Dap – Sr. Htawshe Lum Hkawng (Waimaw), Num Magam Dap – Srn. Lahpai Nang Tawm (Sama).
La Magam Dap – Rev. Qao O Dau Hkawng (Waimaw), Ramma Magam Dap – Sr. Sabaw Naw Din (Myitkyina), Karai Masa Magam Dap – Rev. Dr. Lagai Zau Nan (Lawu Ga), Music Magam Dap – Sr. Hkanghti Jung Ram (Putao), Muna Kyithkai Magam Dap – Rev. Maran Naw Di Awng (Mungmau), Hpaji hte Ningbaw Ningla – Dr. Lagyawm Bawm Lwi (Sam Mung), Laili laika hte htang dip – Rev. Lagyawm Hkaw Luk (Wai Maw), Shamai Shatsai – Rev. Zunwa Zau Lawn (MKA), KTCS Jawng Up Rev.Dr.Zinghang Lat Nawng (MKA), KTCS Trustee Ningbaw – Rev. Zahkung Zau Shan (MKA), KTC Jawng Up – Rev.Dr. Lahtaw Zau Awng (Sam Mung), KTC Trustee Ningbaw – Rev.Dr. Hkangda Brang Ja (Sam Mung), ni hpe tang san shagrin da sai lam, KBC KACHIN Facebook Page kaw na tang madun da ai re.
Lai wa sai 38 lang na KBC hpung shawa zuphpawng hpe Waimaw ginwang hta galaw ai re. 39 lang na KBC hpung shawa zuphpawng gaw Sammung ginwang hta galaw ai rai nna, du wa na 40 lang na KBC hpung shawa zuphpawng hpe Htingnai ginwang hta bai galaw sa wa na re hte KBC hpung shawa zuphpawng hpe 4 ning hta kalang galaw ai lam chye lu ai.
