57 lang na Manmaw ginwang a hpung shawa zuphpawng hkyen shajin nga
Manmaw ginwang a 57 lang ngu na hpung shawa zuphpawng kaba hpe Nba Pa buga hpung hta April praw 6 ya shani kawn 10 ya shani du hkra galaw sa wa na re majaw, ginwang kata
na daw jau ramma marai 100 jan hte shara ni hpe hkyen shajin galaw hpang nga sai lam na chye lu ai.
Dai zuphpawng hta mali ning ginwang a magam gunhpai na masha lata san ai lam hte Wunli Sut Manau mung nau na re lam buga masha ni tsun ai kawn chye lu ai.
April praw 3 ya shani kawn 5 ya laman, ginwang a kasa hpawng hpe galaw na re lam chye lu ai.
Zuphpawng a matu alu tam yu ngwi pinra lamang hpe March 19 hte 20 ya shana galaw ai hta yu ngwi shadang Lasham Hka Li, Rappa Brang San, Ah Ba Hpung, Kareng Kai Din, Jar Ni, Esabel Ja Bawk, Lashi Hkawn HKawn ni mung shanglawm ai lam na chye lu ai.
