57 lang na Manmaw Ginwang a hpung shawa zuphpawng kaba galaw ngut

Nba Pa buga hta galaw ai 57 lang na Manmaw Ginwang Jinghpaw Wunpawng Hkalup Hpung a hpung shawa zuphpawng kaba hpe April 6 ya shani kaw nna, praw 9 ya shani du hkra 

galaw nhtawm, shana na aten hta makum bu apnawng hpawng lamang hpe, angwi apyaw hte galaw la ngut nna, April 10 ya shani manam bra sai lam na chye lu ai.

Dai hpawng hta ginwang a gawda ai tara hpe gram sharai shagrin ai lam, Manmaw ginwang a magam gun ningnan lata san ai lam hte Manmaw Ginwang a Chyum jawng hpe Diploma kaw nna, Licentiate Theology ( L.Th ) madang de sharawt dat ai lam ni hpe galaw la lu ai lam, hpawng hta bawngban lawm ai Rev. Lahpai Shing Rip tsun ai kawn chye lu ai.

Hpung shawa zuphpawng hta du sa ai masha yawng marai 10,000 daram rai na re lam, hpawng hta sa lawm ai buga masha ni tsun ai kawn chye lu ai.

Du wa na 2021 ning hta ang ai 58 lang na hpung shawa zuphpawng hpe gaw Manje buga hta bai galaw sa wa na re lam matut chye lu ai.