57 ning KIO masat ninghtoi hpawng galaw
Laiza Muklum Sinpraw Majoi manau wang gawknu hta October 25 ya jahpawt hkying 8:00am aten hta 57 ning hpring KIO masat ninghtoi hpawng galaw ai lam chye lu ai.
Zuphpawng hpe nawku hpung woi sara ni akyu hpyi ya ai hte hpang ai. 57 ning hpring KIO masat ninghtoi hta Wunpawng Mungdan Shanglawt Hpung ginjaw komiti tingnyang up Salang Lanyaw Zawng Hra a numhtet shatsam ai mungga hpe, ginjaw hkamja dap lit hkam Du kaba Lahpai Hing Wawm hti shalai ai.
Zuphpawng hta Pati hpung shang masha ni hte mungshawa dapshawa yawng marai 600 jan sa du shanglawm ai. Shani ka-ang hkying 12 aten hta gaw, Zup Awng Simsa Ginsup Pa kaw 57 ning hpring KIO masat ninghtoi hpe madi shadaw ginsup lai wa ai ginsup ninghkring ni hpe kumhpa shagrau ai lamang hpe galaw ai.
Wunpawng Mungdang Shanglawt Hpung hpe 1960 October 25 ya shani hpaw hpang dat ai rai nna, daini gaw 57 ning hpring sai rai nga ai.
