(62) ning hpring rawt malan masat ninghtoi hpawng lamang galaw
KIO, KIA a (62) ning hpring rawt malan masat ninghtoi hpawng lamang hpe February shata praw 5 ya jahpawt hkying 7:00am aten, Laiza Hotel Gawknu kaw galaw la lu sai re.
Hpawng hta Wunpawng Mungdan Shanglawt Hpung Ginjaw Komiti Tingnyang Up, Wunpawng Mungdan Shanglawt Kongsi Ningbaw, Wungpawng Mungdan Shanglawt Hpyen Dap, Dap Up Daju Du Daju Jum Nban La a (62) ning hpring rawt malan masat ninghtoi mungga hpe Salang Kaba Labang Doi Pyi Sa (Ningtau Ninggawn Amu Madu) kaw nna, hti shalai ya ai lam galaw ai.
(62) ning hpring rawt malan masat ninghtoi hpawng lamang hpe Mare lawk shagu, Hpyen yen dabang shagu hte Magam Dap, Makan Dap shagu hta galaw ai re hpe chye lu ai.
Lai wa sai shaning ni hta rawt malan masat ninghtoi hpawng lamang hpe mung mare dap shawa masha law law hte galaw lai wa sai raitim, dai ning gaw mung masa amyu myu a majaw, kadai mung kade a shara ni hta galaw ai re hpe mung chye lu ai.
