(65) ning hpring Rawt Malan Masat Ninghtoi hpawng galaw
Wunpawng Mungdan Shanglawt Hpyen Dap hpaw shabawn dat ai (65) ning hpring Rawt Malan Masat Ninghtoi zuphpawng hpe, February shata praw 5, bat hpang 4 ya jahpawt hkying 8:00am aten hta Laiza kaw galaw la lu sai lam chye lu ai.
Wunpawng Mungdan Shanglawt Hpung, Ginjaw Komiti Tingnyang Up a, (65) ning hpring Rawt Malan Masat Ninghtoi Mungga hpe Salang Kaba Kumhtat Htingnan (Ninggawn Amu Madu) kaw nna hti ai lam galaw ai.
Wunpawng Mungdan Shanglawt Hpung Ginjaw Komiti a, shawnglam magam bungli hte magam gun dap shawa ni yawng a matu, hpung woi Sara Kaba ni akyu hpyi ya ai hpe chye lu ai.
Magam gun ladaw (5) ning hpring (10) ning hpring (20) ning hpring (30) ning hpring (40) ning hpring hte (50) ning hpring sai magam gun ni hpe shagrau lakmat jaw ai lam galaw ai, (50) ning hpring sai magam gun ni hpe gaw, Ja dakhkama dazik hte gumhpraw Ks;- 1,000,000/-shagrau jaw ai hpe chye lu ai.
Hpawng lamang hta Ningbaw Kaba hte rau nawku hpung woi sara kaba ni, Magam Dap, Makan Dap shagu na lit nga ai salang ni sa du shanglawm ai hte angwi apyaw galaw la lu sai re.
Ndai (65) ning hpring Rawt Malan Masat Ninghtoi hpawng lamang hpe mungdan kata shara shagu hte maigan mungdan de du nga ai Wunpawng Amyusha mungchying sha ni mung galaw nga ai lam hpe mung na chye lu ai.
