8 lang na Rakhai hpyen dap a rawt malan masat ninghtoi hpawng galaw

Amyu sha rawt malan uhpung langai rai nga ai Arakan Army AA hpyen dap a 8 lang ngu na rawt malan masat ninghtoi hpawng hpe KIO Ginjaw, Laiza Muklum Munglai hkyet

kaw, April 10 ya jahpawt hkying 7:00am aten hta galaw ai lam chye lu ai.

Rawt malan mungga hpe AA dap awn daju, Thun Myat Naing tsun ai hta “Rakhai amyu sha ting a mungmasa pandung de du wa lu na hte tinang a gammaka hpe tinang dawdan hparan lu na matu, mungshawa hte ta gindun jawm galaw sa wa na lam, 8 ning laman rawt malan hkrun lam hta galaw gunhpai lai wa sai magam amu ni hpe amyu sha ni hpe chye na shangun ai lam, hpyen dap kata hta shading sharai ra ai lam ni hpe shading sharai, n gun la ra ai lam ni hpe n gun jawm la nhtawm, matut nna ndai hta grau hkrak, grau dam lada hkra amyu sha gawgap lam hpe galaw sa wa na re” nga tsun ai hpe chye lu ai.

Laga jinghku rawt malan uhpung ni a rawt malan ninghtoi shagru laika hpe tau dap awn daju VCS Dr. Nyo Thun Aung hti shalai ai lam hpe chye lu ai.

April 11 ya shani mung masat ninghtoi hpe shagau ai ginsup lamang ni hpe galaw sa wa na rai nna, 8 lang na AA hpyen dap a rawt malan masat hpawng hta Rakhai mungshawa marai 300 daram sa du shanglawm ai lam hpawng hta lawm ai salang ni tsun ai kawn chye lu ai.

Rakhai amyu sha AA hpyen dap hpe laiwa sai 2009 ning April 10 ya shani Jinghpaw Mung hta hpaw hpang dat ai hpyen dap re hpe chye lu ai.