( ABSDF ) Jawngma Dap ni shaning ningnan hka jaw poi hpaw hpawng galaw

KIO Ginjaw Laiza Muklum makau Janghtung Lahkum bum hta Jawngma Dap ni, April 13 ya shani ka-ang hkying 12:00non aten e, Jawngma Dap kawn woi awn nna, hka jaw poi

hpaw hpawng lamang galaw ai lam chye lu ai.

Hpawng hta Laiza Muklum uphkang Du kaba Lawaw Naw San kaw nna hpawng hpaw mungga shaga ai, Jawngma Dap na ရဲေဘာ္ ေအာင္ေဆြဦး hku nna, ra mara hte chyeju dum ga ni tsun shana ai, daihpang Jawngma Dap သံခ်ပ္ uhpung ni mahkawn hte hkrang shala dan mat wa ai.

ရဲေဘာ္ ေအာင္ေဆြဦး tsun ai hta “Ndai မဟာသၾကၤန္ hka jaw poi gaw amyu rusai n ginghka ai yawng shanglawm mai ai htunghking lailen langai re ngu chye lu ai. Dai majaw shaning shagu anhte a dap kata de saw shaga nna, pyaw chyai na matu, masing gran da sai. Ndai lamang hpe April 17 ya shani du hkra galaw na re, dai shani gaw shaning ningnan praw 1 mung re. Buddha makam masham hku bunggyi shaga nna mungga madat hkamla ai lam, tara hti ai lam galaw na re” nga tsun ai.

KIO/KIA Ginjaw shara hta Buddha ni a shaning ningnan hte hka jaw poi lamang hpe laiwa sai 2012 ning kaw nna galaw hpang ai rai nna, ndai lang hte rai yang 6 lang galaw sai lam hpe mung chye lu ai.