Amyu Shayi Garum Kahtau Komiti kaw nna mungshawa ni hpe hkamja lam tsi tsi garum na lam shana

Myitkyina Amyu Shayi Garum Kahtau Komiti ni kaw nna, mungmasa a majaw tsi rung kaba gan pat ai ten, yak hkak hkrum ai mungshawa ni tsi tsi hkam la lu na matu, manu jahpu nla ai sha February shata 15 ya shani kaw nna May shata 14 ya shani du hkra tsi tsi garum madi shadaw ya na lam chye lu ai.

Kaja ai Samari tsi jaw gawk hte Mali Gindai tsi jaw gawk ni hta gaw, loili machyi makaw hkrum ai mungshawa ni a matu hkyen lajang da ya rai nna, dinghkrai tsi rung rai nga ai Mali Zup, Aye Tu Hka, Chye Zu Daw tsi rung ni hta gaw laja lana ga lajang ra ai, sha-ngai chyinghkai ra ai mungshawa ni a matu hkyen lajang da ya ai re lam chye lu ai.

Tsi tsi hkam la na mungshawa ni gaw, lawk salang, myu shayi ningbaw ni a madi shadaw ya ai laika lawm ra na re lam chye lu ai.

Ya aten Asuya magam gun ni hte mungshawa yawng ngu na daram Gumshem ai Myen Hpyen Dap Asuya hpe ninghkap shawa n-gun madun ai kaw shanglawm taw ai majaw, bungli nlu yak hkak wa ai mungshawa ni grai law wa ai sha n-ga, Myen Asuya magam gun ni mung shata shabrai nlu ai majaw, ja gumhpraw nlu ai camp hkan na mungshawa ni, ma hkum kanu ni hpe garum ai hku nna, hkamja lam madi shadaw garum ya ai re lam, Amyu Shayi Garum Kahtau Komiti malawm saranum langai tsun ai kaw na chye lu ai.