Arung arai htaw Myen hpyen sanghpaw (7) hpe KIA hpyen hpung ni hkap gap
Ga Hkyen Bum Ginwang, Masat (8) Dap Ba, Masat (5) Dap Dung Ginra, ေပါက္ကုန္း hte ေက်ာက္တစ္လံုး mare lapran မအူတာ kaw, Hkying 1:35pm aten hta, Kata kaw nna, Myen hpyen la hte arung arai, laknak machyu pala htaw pru wa ai hpyen Sanghpaw (7) hpung ni hpe Dung (12) hpyen hpung ni kawn sinat laknak kaba (107mm) hte (2) lang sa gap bun ai lam shawng lam, shi sawk ni shana wa ai kaw nna chye lu ai.
Ginjaw Ginra, Masat (5) Dap Ba, Loi Jaw hte American Camp lapran hta mung, July shata 26 ya shani hkying 12:06pm kaw nna hkying 12:25pm aten laman, Daw Hpum Yang kaw shara jahkrat nga ai Hk.L.Y (142) dap na pru wa ai hpyen n gun (70) daram htaw ai modo (6) hpung ni hpe KIA Dap Dung (19) hpyen hpung ni kawn hkap gap gasat ai lam nga ai re hpe chye lu ai.
Manmaw Ginwang, Masat (3) Dap Ba, Masat (12) Dap Dung Ginra, Nam Ek kaw hkying 12:30pm hte hkying 12:45pm aten laman, HK.L.Y (40) kata na hpyen n gun (70) daram hpung ni hpe KIA hpyen hpung ni kawn bawm hte numdaw (3) lang hkap adem bun nna gasat poi byin ai re hpe shawng lam shi sawk ni kaw nna chye lu ai.
