Awng Lawt mare na hpyen yen Mungshawa marai ( 200 ) jan lawt pru wa

Majan a majaw pat shing dang da hkrum nga ai Awng Lawt mare na hpyen yen Mungshawa marai ( 200 ) jan gaw May praw, 8 ya shani Dum Bang mare de du nga sai lam chye lu ai.

Shana daw hkying 3:30pm aten daram hta Lawa Yang RCM Nawku Jawng de shara jahkrat ya ai hte KBC ni kawn mung Myitkyina de htaw sa nga ai lam chye lu ai.

Ndai lahkawng masum ya laman gaw Lawa Yang kaw naw woi nga na re. Matut na gara de bai sa na re lam hpe gaw Asuya ni hte naw jahkrum ra ai nga nna Lawa Yang kaw na Wa Jau langai tsun ai.

Dum Bang mare kaw du nga ai hpyen yen Mungshawa ni hta Asak kaba sai ni,Ma kanu, Machyi makaw hkrum nga ai ni law nga ai re lam matut chye lu ai.

Myitkyina Muklum, Manau Wang kata kaw hpawng chyawm nna n-gun madun ai Wunpawng Ramma ni gaw May praw, 8 ya shani hkying 1:00pm aten hta kanu kawa, Mungshawa ni hte Media shagu na salang ni hpe shaga la nna, shiga sang lang hpawng galaw ai hte ginchyum dat akyu hpyi hpawng lamang galaw ai lam na chye lu ai.