Backhoe gau, gram hpaji sharin ya nga
Myitkyina Muklum, Nawng Nang Lawk (2) kaw Kachin State Vocational Program( KSVP) kaw nna woi awn let hpaw sharin nga ai pang 7 lang na backhoe gau,gram sharin ai hpaji hpe April shata praw 2 ya shani kaw nna, sharin sa wa na re lam chye lu ai.
Backhoe gau, gram sharin aten hpe gaw jahpawt hkyin 8:00am kaw na shana de hkying 5:00pm aten du hkra sharin sa wa na re hte pang 7 hta gaw masha hpring sai re.
Wunkat hpaw ai yaw shada lam hpe KSVP na hpa-awn Sara Lahpai Gam Seng tsun ai hta “Anhte Wunpawng Amyu sha ni na matu madung dat na galaw ai re. Anhte Wunpawng kaw gaw, jak kaba backhoe ni hte galaw sha ai masha ni grau law wa na matu re, ngut na tinang a kashu kasha ni a matu prat madang hta hkan nna, kan bau bungli mung akyu rawng na matu re” nga nna tsun ai.
Backhoe gau, gram hpaji hpe shata mi sha sharin ya ai rai nna, sharin shabrai gaw, Myen gumhpraw kyats 800,000 (sen matsat) bang nhtawm, lu na, sha na, nga na shara hte laika buk ni yu lajang ya na rai nna, yup ra hte buhpun palawng kahti kalai la sa ra na, laika hpaji madang masat ai lam n nga ai, pang 8 hpe matut nna hpaw sa wa na hta jawng ma marai 20 hpe sha hkap la na lam chye lu ai.
