Balawng Dingsa Myen dap hpe KIA ni gasat zing la
KIA Masat (3) Dap Ba, Masat (27) Dap Dung ginra, Balawng Dingsa gumshem Myen hpyen dap hpe KIA ni htim gasat zing madu la lu sai lam chye lu ai.
February shata praw 1 ya jahpawt kaw nna, Balawng Dingsa gumshem Myen hpyen dap hpe KIA pawng hpawm hpyen hpung ni htim gasat nga ai hta praw 2 ya jahpawt hkying 7:45am aten daram hta zep zi zing la lu sai lam, shawnglam lit nga ai salang langai tsun ai.
Ndai Balawng Dingsa gumshem Myen hpyen dap hpe KIA Masat (3) Dap Ba, Masat (27, 1, 12) Dap Dung kata na pawng hpawm hpyen hpung ni htim gasat padang dip la lu sai re lam chye lu ai.
KIA ni ya aten gumshem Myen hpyen dap ni dap jung shara jahkrat nga ai, shara ni hpe htim gasat nga ai rai nna, shara nkau ni hpe padang dip gasat la lu sai hte matut nna, KIA hte gumshem Myen hpyen dap lapran hpyen masa shaja hkat nga ding yang re hpe chye lu ai.
