Ban Dawng mare kaw gasat gala majan byin
KIA Dap Ba ( 5 ) Dap Dung ( 18 ) ginra, Ban Dawng mare kaw shamu shamawt du nga ai Hk.L.Y ( 95 ) na Myen hpyen dap hte KIA hpyen hpung ni, March 19 ya jahpawt hkying 7:15am aten hta gasat gala majan byin ai lam, shawnglam na salang langai shana wa ai.
Mani gaphkat ai shara kaw dai ni gaw laga gap hkat ai lam nnga ai, shada naw maja hkat nga ai lam, salang wa tsun ai kawn chye lu ai.
Hka Ya bum kaw dung ai Myen hpyen hpung ni gaw, March 20 ya daini hkying 1:00pm aten kaw nna, KIA Dap Dung ( 23 ) ginra, Langda bum hpyen man maga de Jak sinat hte hkying hkum 3 daram du hkra gap bun ai lam chye lu ai.
