Chihpwi hpyen yen dum nta wan hkru hkrum

Chihpwi hta hpyen koi yen nga ai hpyen yen mungshawa dum nta wan hkru hkrum ai lam chye lu ai.

July shata 11 ya jahpawt hkying 3:00am aten daram hta Chihpwi kaw hpyen koi yen nga ai KBC hpyen yen dum nta 9 ဝါယာရှော့ byin ai a majaw, wan hkru lawm mat ai re lam chye lu ai.

Hpyen yen mungshawa ni yup pyaw nga ai aten, wan hkru wa ai re majaw, lang rung lang rai hte kaga arung arai ni nshaw la lu ai rai nna, dai camp hta nga ai hpyen yen mungshawa marai 45 mung hkala nba hpa nhkrum ai re hpe chye lu ai.

Laiwa sai shata ni hta hka hpyen tsin yam hkrum sha ai hta n-ga, ndai zawn wan hpyen bai hkrum sha ai majaw, dai ginra na hpyen yen mungshawa ni malu masha, lang rung lang rai hte nga shara ni yakhkak hkrum nga ai hpe chye lu ai.