Chihpwi hpyen yen mungshawa hte Myaw Maw mare masha ni hka hpyen tsinyam hkrum nga

Law Hkawng Ginwang, Chihpwi hpyen yen mungshawa ni hte Myaw Maw mare masha ni hka hpyen tsinyam hkrum nga ai lam chye lu ai.

May shata 29 ya jahpawt hkying 3:00am aten daram hta marang matut manoi htu sawng ai majaw, Chihpwi hpyen yen mungshawa ni hte Myaw Maw mare masha ni hka hpyen tsinyam hkrum nga ai hpe na chye lu ai.

Jahpawt manap jau Myaw Maw hka tung shang wa ai majaw, mare kata na mungshawa ni a dum nta ni hten za mat ai lam nga ai rai nna, mare masha nkau yawng lawm mat ai lam nga ai hta marai kade yawng lawm mat ai lam garai nchye lu shi ai re.

Ndai zawn hka tung kaba wa ai majaw, Myaw Maw mare, Chihpwi hpyen yen hte Zang Nau mare mungshawa ni hkawm sa hkawm wa yak hkak nga ai hte hka hpyen tsinyam hkrum nga ai rai nna, ya aten karum ntum ra ahkyak nga ai lam chye lu ai.