Chyinghtawng Pa Buga Hkalup Hpung Sasana shang (100)ning hpring Jaw Masat Poi galaw na matu hkyen lajang nga

Waimaw Ginwang, Chyinghtawng Pa Buga Sasana shang ai (100) ning hpring Jaw Masat Poi hpe galaw sa wa na matu buga hpung masha ni kaw nna hkyen lajang nga ai lam chye lu ai.

Sasana shang (100)ning hpring Jaw Masat Poi hpe Chyinghtawng Pa Buga nawku hpung wang hta April shata (7)ya kaw nna (9)ya shani du hkra galaw sa wa na re lam chye lu ai.

April (6)ya shani hta manam zup, (7)ya shani gaw mara raw akyu hpyi hpawng galaw na, (8)ya shani gaw (100)ning hpring nawku lamang galaw na, (9)ya shani gaw hkalup hkam lamang galaw sa wa na re hpe chye lu ai.

(100)ning hpring Jaw Poi hkyen lajang lam ai hta htingbu buga ni rai nga ai Sadung, Sadung Pa, Lu Htawng, Lung Myang, Dai Lung, Bum Wa, Ba Hau, Sit Len kaw na hpung masha ni daw jaw ai hta shang lawm taw ai re lam chye lu ai.

Chyinghtawng Pa Buga Hpung hpe 1922ning hta Sasana shang hpang wa rai nna, 2023ning hta Sasana shang ai (100)ning hpring sai lam chye lu ai.