Company Modo langai Mungshawa marai ( 2 ) hpe adawt ai hta marai ( 1 ) asak si sum
KIA Dap Ba ( 9 ) Dap Dung ( 6 ) ginra, Hpa Kant Maw Wan Kaji, ၾကြယ္ဝ Company kaw na ga shingbut htaw Modo hte March, 18 ya shani hkying 1:00pm aten hta Maw Wan mare na Shd. Hkahtum Seng Jat Awng Asak ( 16 ning ) tsang ( 9 ) jawng ma hte Shd. Hkahtum Myu Jat Awng Asak ( 15 ning ) yan nau hpe wa adawt ai hta marai langai asak si sum nna marai langai hkala hkrum ai lam na chye lu ai.
Kahpu rai nga ai Shd. Hkahtum Seng Jat Awng gaw dai shara hta asak si sum mat ai. Shd. Myu Jat Awng gaw ya aten Hpa Kant tsi rung kaw du nga ai rai nna, ndai mang hkang hte seng nna Company ni kawn kaga de shawk shawn ai lam n galaw ai sha shada pri nyem hkra hparan jasan la na matu nta masha ni hpe sa tsun ai lam na chye lu ai.
Lai wa sai aten ni hta mung Hpakant Company Modo ni ya na zawn Mungshawa ni hpe jahkring hkring adawt ai majaw Mungshawa ni nan ninghkap n-gun madun ai lam galaw lai wa sai re. Asuya hpe ndai lam hparan ya na matu tang shawn ai rai tim ya aten du hkra hpa mung hparan jasan ya ai lam n nga shi ai, lam hpe na chye lu ai.
