Covid-19 ana hte seng nna hpaji jaw ndau shabra laika shapraw
Ginjaw covid-19 Ana Zinli Makawp Ninghkap Komiti ni kaw nna, April shata 21 ya shani, covid-19 ana hte seng ai hpaji jaw ndau shabra laika shapraw da ai lam chye lu ai.
Ndau laika hta covid-19 ana zinli makawp komiti hpaw shabawn dat ai lam, ana nkap bra hkra gara hku makawp maga ra na lam, covid-19 ana zinli gaw, makawp maga tsi hte tup hkrak tsi shamai kau na tsi garai nnga ai re majaw, nbyin hkra tau nau makawp maga ai gaw kaja dik hte tang du dik re ai lam, ndau laika hta tsun da ai.
Wunpawng Mungdan, Mungshawa ni hte Magam Dap Makan Dap ni yawng hta covid-19 ana n shang hkra, ndu pru hkra tau nau makawp ninghkap sa wa lu na matu komiti hpaw nna, ta tut masing jahkrat woi-awn sa wa nga ai lam, ndau laika hta tsun da ai.
Machyi masha nga wa yang, matut mahkai na hkringdat jaw da ai hta Miwa phone- 0086-692-6201995 (Ginjaw COVID-19 Ana Zinli Makawp Ninghkap Komiti Rung), Ph-15368677714 (E-Div COVID-19 Ana Zinli Makawp Ninghkap Komiti Amu Madu), Ph-13388823174 (Ginjaw COVID-19 Ana Zinli Makawp Ninghkap Komiti, Tatut Woi Awn Komiti Ningbaw), Email: komitirung.covid19@yahoo.com ni re.
Wunpawng Mungdan Shanglawt Hpung Ginjaw Komiti kaw nna, ya ten hkrit tsang nga ai, Covid-19 Ana Zinli Makawp Ninghkap Komiti hpe makawp ninghkap sa wa na matu, 2020 ning February shata praw 7 ya shani hpaw ninghtan dat sai re hpe chye lu ai.
