COVID-19 ana kanu jep mu lu ai wa yup hkring sa ai Hotel Hukaung hpe lockdown jahkrat kau
COVID-19 ana kanu jep mu lu ai ana masat 1155 wa yup hkring sa ai Myitkyina, Dap Kawng kaw na Hotel Hukaung hpe September shata praw 6 ya shana maga hkying 3:00pm aten kaw nna nhtoi 14 ya tup lockdown jahkrat kau sai lam chye lu ai.
COVID-19 ana kanu jep mu lu ai machyi masha gaw bungli hte Myitkyina de sa ai ten, August shata 28-29 ya, 2 na tup Myitkyina, Hotel Hukaung kaw manam ngut nna, Nay Pyi Taw de shang wa ai kaw COVID-19 ana kanu jep mu lu ai majaw, ya aten Hotel Hugkaung hpe nhtoi 14 ya lockdown jahkrat kau sai rai nna, Hotel madu hte dai Hotel kaw bungli galaw ai masha ni hpe mung, Quarantine bang da sai lam, Dap Kawng mare uphkang Salang Maran Bawk Naw tsun ai kaw na chye lu ai.
Ya aten ana masat 1155 gaw Nay Pyi Taw Tsi Rung kaba kaw tsi tsi hkam la nga ai rai nna, dai wa gaw Nay Pyi Taw Muklum kaba kaw na re lam, ya aten Myitkyina Muklum hta ginra masha ni kaw COVID-19 ana kanu jep mu lu ai lam nnga ai re hpe chye lu ai.
Photo Credit; EPN
