Covid-19 ana kap ai masha marai 4 bai jat
Myen Mung hta Covid-19 ana kap ai masha marai 4 bai jat ai lam, Ministry of Health and Sports, Myanmar (Hkamja Lam hte Ginsup Hkringmang Dap) ni April shata 23 ya jahpawt hkying 7:00am aten hta n dau laika shapraw da ai kaw na chye lu ai.
Ana ntsen nhten ai masha marai 72 hpe jep yu yang marai 4 hta ana kap taw ai re. Ya kap hkrum ai masha ni gaw, ana kap nga ai masha masat 87, 89, 94, 110 ni hte hkra hkat ai lam nga ai re hpe chye lu ai.
Ana mu jep ai masha ni gaw, မဂၤလာဒုံ, အင္းစိန္, တာေမြ, ဗိုလ္တေထာင္, ninghtawn 4 kata na masha ni re. Ndai masha ni hpe seng ang ai tsi rung de laksan tawn nna, tsi tsi gawn lajang mat wa na re lam ndau laika hta tsun da ai.
Dai hpawt hkying 8:00am aten du hkra rai yang Covid-19 ana ntsen nhten ai masha yawng marai 2212, ana kap ai masha marai 127, ana mai wa ai masha marai 9, tsi rung kaw na yu ai masha marai 9 hte asak si sum ai masha marai 5 rai sai re.
Myen mungdan hta Covid-19 ana hpe mu jep shapraw ai dai ni April shata 23 ya shani rai yang shata mi hpring sai re hpe mung chye lu ai.
