Dak Nai gumshem Myen hpyen dap hpe KIA ni gasat zing madu la lu
Mungmyit Sinli Ga (Kachin Sub-stete) ginra, Masat (6) Dap Ba, Masat (9) Dap Dung, KIA hpyen hpung ni hte gumshem Myen hpyen dap ni gasat gala majan byin ai hta Dak Nai gumshem Myen hpyen dap hpe Nevember shata 13 ya shani hkying 12:30pm aten daram hta zing madu la lu sai lam chye lu ai.
Dai gumshem Myen hpyen dap ni gaw, Dak Nai kaw dap jung nga ai, Hk.L.Y (123) hte T/M 99 kata na hpyen n-gun 80 daram hte gasat gala majan byin ai hta KIA ni zep zi gasat zing madu la lu sai lam, shawng lam lit nga ai salang ni kaw na chye lu ai.
Gasat gala majan byin ai hpang hkying 1:00pm aten daram hta gumshem Myen hpyen dap ni Helicopter hte bawm wa jahkrat bun ai majaw, mungshawa nta langai hkru mat ai rai nna, masha gaw hpa nra ai lam chye lu ai.
November shata 12 ya shani kaw na gasat gala majan byin ai hta 13 ya shani dai gumshem Myen hpyen dap hpe zing madu la lu sai rai nna ya aten, KIA Ginjaw Ginra hpyen man ni hta mung, KIA hte gumshem Myen hpyen dap ni hpyen masa shaja hkat nga dingyang re majaw, gasat gala majan matut byin wa mai ai lam chye lu ai.
