Dalu gumshem Myen hpyen dap hpe KIA ni gasat zing la
KIA Masat (2) Dap Ba kata na pawng hpawm hpyen hpung ni, Dalu kaw dap jung nga ai gumshem Myen hpyen dap Hk.L.Y (86) dap hpe January shata 28 ya shani gasat zing la lu sai lam chye lu ai.
January shata 27 ya shani kaw na KIA pawng hpawng hpyen hpung ni htim gasat nga ai hta January shata 28 ya shana maga hkying 1:00pm aten daram hta gasat zing madu la lu sai lam, lit nga ai salang langai tsun ai.
Gasat gala majan byin nga ai ten gumshem Myen hpyen dap nbungli hte bawm wa jahkrat, wa gap garum ai lam ni nga ai nga nna, salang wa matut tsun ai.
KIA ni ya aten gumshem Myen hpyen dap ni dap jung nga ai shara ni hpe htim gasat nga ai hte hpyen dap nkoi ni hpe padang dip gasat la lu sai lam chye lu ai.
