Danai ( D.K.Ts ) Mu kawn mare uphkang salang ni hpe zuphpawng woi galaw

Danai ( D.K.Ts ) Mu gaw, Dum Bung mare kawn Sum Bwi Yang mare du hkra na mare uphpang salang ni hpe July praw, 6 ya shani hkying 1:30pm kawn hkying 2:30pm aten laman D.K.Ts gawknu kaw zuphpawng woi galaw ai lam na chye lu ai.

Dai zuphpawng hta mare uphkang salang ni hpe tsun ai gaw, “ Mare makau hkan ntsen na zawn re masha mu hkrup jang tin tin shiga jaw na lam, Yi sun hkauna, nam hkan shana aten lai hkawm ai lam n-galaw na lam, Hpyen hpung hte hkrum jang n hprawng ai sha atsawm akawm tsun dan na lam, Kade nna yang Lidu lam pai, hkra, ginra jasan galaw na re lam, Mare kata jahten sharun hkyen ai lam ni hpe makawp maga na lam hte Buga gaw sharawt bungli ni hpe galaw ai hta mare masha ni sha, ndang di jang jawm galaw na re” ngu tsun matsun ai lam, buga masha ni kawn chye lu ai.