Danai Muklum kaw n gup magap (Mask) n shakap ai masha ni hpe ahkyak la sa wa na
Danai Muklum kaw COVID-19 ana zinli hte seng nna hpaji jaw ningmu jahpaw hkaw tsun ai lam hpe September shata 13 ya shani hpang jahtum tawn nna, September shata 14 ya shani kaw nna n gup magap (Mask) n shakap ai masha ni hpe ahkyak la sa wa na lam na chye lu ai.
Mask n shakap ai masha hpe gumhpraw kyats. 5000, Mask shakap da tim atsawm n shakap ai masha ni hpe kyats. 3000 hte ahkyak la sa wa na re lam, ya aten Danai Muklum kata hta ginra asuya ni kaw nna mask garan jaw ai lam, Lido lam hkan hpaji jaw hkaw tsun ndau ai lam ni galaw ai lam chye lu ai.
Ya aten Maigan hte COVID-19 byin ai ginra kaw na wa ai COVID-19 ana ntsen nhten ai masha ni hpe Quarantine nhtoi 21 ya hkamja lam jep chyoi ya nga ai lam, Sara Nhpang Naw Tawng tsun dan ai.
“Ntsen nhten ai masha ni hpe gaw (အာေခါင္တို ့ဖတ္) hte (နွာေခါင္းတို ့ဖတ္) ni hpe la nna, jep ya ai lam galaw nna, Maigan kaw na wa ai ni, COVID-19 byin ai Muklum mare kaba kaw na wa ai masha ni hpe gaw Danai Htunghking manau wang Quarantine center kaw nhtoi 21 ya Quarantine tawn ai hku rai nga” nga nna tsun dan ai.
Ya aten Danai Quarantine Center kaw Quarantine hkam la nga ai masha marai 30 daram nga ai rai nna, COVID-19 byin wa ai rai yang mare kaji ai re majaw hkawm sa hkawm wa lam, galaw lu galaw sha lam yak hkak wa mai ai sha n-ga, hkrun lam pat kau ai rai yang gunrai manu ni mung rawt wa mai ai lam ginra masha ni tsun ai kaw na chye lu ai.
Photo Credit; EPN
