Danish Mungdan na Red Cross Wuhpung ni kawn hpyen yen Mungshawa ni hpe ja gumhpraw sa garum

Myitkyina Ginwang kata Njang Dung hpung wang kaw hpyen yen nga ai Mungshawa ni a kan bau bungli galaw lu galaw sha lu na matu August, 16 ya shani Danish Mungdan na Red Cross Wuhpung ni kawn ja gumhpraw sa garum jaw ai lam na chye lu ai.

Njang Dung hpung wang kaw nga ai hpyen yen Mungshawa htinggaw yawng ( 49 ) kaw na htinggaw langai mi hpe gumhpraw lap Ks;-350,000 hpra hte Ra Da Kawng ( B ) kaw nga ai hpyen yen Mungshawa htinggaw yawng ( 35 ) kaw na htinggaw langai mi hpe gumhpraw lap Ks;-200,000 hpra garum jaw ai. Htinggaw yawng ( 84 ), gumhpraw lap Ks;-24,150,000 tup sa du garum jaw ai lam chye lu ai.