Dap Ba ( 2 ) ginra hpyen yen dabang kaw nga ai Mungshawa marai ( 2 ) tsa lu sha lai nna masha sat hkat

KIA Dap Ba ( 2 ) Dap Dung ( 6 ) ginra, Lung Hkang RCM Nawku Jawng hpyen yen dabang kaw nga ai Slg. Npawp Mung Lung Asak ( 58 ning ) hte Shd. Lama Dan Awng Asak ( 24 ning ) yan gaw March, 26 ya shana hkying 7:20pm aten hta tsa lu tsa sha lai ai majaw shada ga law hkat ai hta Slg. Npawp Mung Lung gaw Shd. Lama Dan Awng hpe nhkyi hte galun sat kau ai lam na chye lu ai.

Nhkyi hte galun ai Slg. Npawp Mung Lung hpe Lung Hkang Myen Balik ni kawn hkying 7:45pm aten hta rim woi mat ai lam na chye lu ai.