Dap Dung ( 14 ) ginra hta gasat majan byin

KIA Dap Ba ( 2 ) Dap Dung ( 14 ) ginra hta shamu shamawt nga ai Myen hpyen hpung hte KIA hpyen hpung ni, November 28 ya jahpawt hkying 9:15am aten kaw na hkying 9:45am aten du hkra, N-Ga Ga mare makau kaw gasat gala majan byin ai lam, shawnglam shisawk ni kawn chye lu ai.

Hkying 1:00pm aten kaw na numdaw mi bai gap hkat ai, majan byin nga ai shara de, N-Ga Ga kaw nga ai Myen hpyen hpung ni kawn laknak kaji kaba hte gap bun ai lam chye lu ai.

Myen hpyen hpung ni gaw, Nawngmi Yuzana pa, Nawnglung Kawng Ra, Lido lam pai, hkra shara ni de ginra jasan na matu, November 26 ya shani kaw nna, Yuzana pa kaw Back-hoe hte bungli galaw ai masha ni hpe jahkring tawn ai lam na chye lu ai.