Daru mare gumshem Myen hpyen dap hpe KIA ni htim gasat nga

Hugawng Ginwang, KIA Masat (2) Dap Ba, Masat (14) Dap Dung ginra, Daru mare gumshem Myen hpyen dap hpe KIA ni htim gasat nga ai lam chye lu ai.

January shata 27 ya jahpawt hkying 6:00am aten daram kaw na, Daru mare kaw dap jung nga ai, gumshem Myen hpyen dap hpe KIA hpyen hpung ni htim gasat nga ai lam, shawnglam lit nga ai salang langai tsun ai.

KIA hpyen hpung ni htim gasat nga ai ten gasat gala majan byin ai shara de, gumshem Myen hpyen dap nbungli hte bawm wa jahkrat bun ai lam nga ai hpe chye lu ai.

Matut nna Myitkyina, Manmaw mawdaw lam kaba ntsa, Sama lam numshe de January shata 27 ya jahpawt hkying 8:00am aten daram hta gumshem Myen hpyen hpung ni, KIA ni nga ai shara de hpyen shamu shamawt shang wa ai majaw, ang katut gasat gala majan byin ai lam matut chye lu ai.