Daw Hpum Yang hte U Htang Yang lapran kaw KIA hte Gumshem Myen Hpyen Dap ni gasat gala majan byin
KIA Masat (5) Dap Ba npu, Masat (19) Dap Dung ginra, Daw Hpum Yang kawn pru wa ai Gumshem Myen hpyen hpung ni hte KIA Dap Dung (19) hpyen hpung ni Daw Hpum Yang hte U Htang Yang lapran kaw June shata praw (3) ya shani hkying 10:00am aten gasat gala majan byin ai lam chye lu ai.
Shani hkying 11:00am aten hta gaw, KIA Masat (19) Dap Dung ginra de Hkang Kai, Hk.L.Y (142) Dap kawn 105mm (8) lang gap bun ai lam, shawng lam na lit nga ai salang ni kaw na chye lu ai.
KIA Masat (2) Dap Ba npu, Masat (14) Dap Dung ginra hta mung, shani hkying 12:10pm aten hta Myitkyina kawn rawt wa ai Gumshem Myen Hpyen Dap Jet Fighter nbungli (2) hte Daru mare kaw bawm (8) lang wa jahkrat gap bun ai.
Daru mare na lauban Mg Lwin a nta kaw bawm wa hkrat kapaw ai majaw, Mg Lwin a madu jan Nay Naing Moe asak (43) ning asak si sum mat ai rai nna, lauban Than Htun a Ja Seng wan hkru lawm mat ai lam na chye lu ai.
KIA Masat (9) Dap Ba npu, Masat (6) Dap Dung ginra hta mung, shana maga hkying 5:50pm aten hta Myit Hkrum mare, Min Maw hte Ye Sha Maw maga de Gumshem Myen Hpyen Dap ni Ginsi Byuha Kawng kawn 105mm (4) lang gap bun ai lam chye lu ai.
