Dingda Gingwang Ginjaw Komiti ni mungshawa, dap shawa hte hkrum zup hpawng galaw

Dingda Ginwang Ginjaw Komiti ni Ginwang Ginjaw kata nga ai mungshawa, dap shawa ni hte hkrum zup hpawng galaw la lu sai lam chye lu ai.

January shata praw 6 ya shani kaw nna 14 ya shani du hkra, Dingda Ginwang Ginjaw Komiti salang ni Mungmyit Ginwang, Namhpakka Ginwang hte  Kutkai Ginwang kata nga ai, mung chying mungshawa, dap shawa ni hte hkrum zup hpawng galaw la lu sai lam, lit nga ai salang langai tsun ai.

Hkrum zup hpawng hta Dingda Ginwang Ginjaw Komiti Tingnyang Up Du Kaba. Hpauje La Tawng hte Komiti salang ni kaw nna, rawt malan hkrun lam hte seng ai lam, hpu nau rawt malan hpung ni hte seng ai lam, gahkyin gumdin lam, ka-ni nang hpam hte seng ai lam, hkamja lam, hpaji lam, mungdan sut gan hte ahkun hkangse lam, uphkang dap, magam dap hte mungshawa hte seng ai lam ni hpe ningmu jahpaw hkaw tsun dan ai lam galaw ai hpe chye lu ai.

Hpawng hta Dingda Ginwang Ginjaw Komiti salang ni, Dingda Ginwang Ginjaw kata na mung chying mungshawa, dap shawa ni shang lawm ai hte galaw la lu sai lam chye lu ai.