Dingdung daw Dap Hpawm wuhpung ( 3 ) ni shata mi gap hkat jahkring ndau shabra laika shapraw
Dingdung daw Dap Hpawm ni rai nga ai Kokang MNDAA, Balawng (Ta-ang) TNLA hte Rakhine AA ni gaw, dai ni September shata praw 9 ya shani kaw nna October shata praw 8 ya shani du hkra shata mi gap hkat jahkring ndau shabra laika shapraw dat ai lam chye lu ai.
Ndau shabra laika hta dinghku majan hpe jahkring nna hkrum tsup bawngban ai lam hpe ladat jaw jaw hte ta tut galaw sa wa na re lam ndau laika hta tsun da ai.
Gaphkat jahkring ndau da ai aten laman hta Myen hpyen dap kawn hpyen shamu shamawt ai lam, laknak kaba ni hte gap bun ai lam, Jet nbung li, helicopters ni hte gap gasat ai lam ni galaw wa ai rai yang, shara aten n masat ai ninghkap gasat mat na re lam ndau laika hta tsun da ai.
Lai wa sai August shata 31 ya shani hta Sam Mung Chai Dong Muklum hta Dingdung daw Dap Hpawm ni rai nga ai KIA, MNDAA, TNLA hte AA ni hte National Reconciliation and Peace Center (NRPC) ni hkrum bawngban ai hpang kalang dat ngu na Myen Hpyen Dap gaw September shata 21 ya shani du hkra, gap hkat jahkring ai lam hpe ninghtoi bai jat dat ai lam hpe chye lu ai.
Photo: Arakan Army
