DPN salang ni hte Daw Aung San Suu Kyi hkrum zup
NCA lakmat garai nhtu ai UNFC a mungmasa jasat hpung DPN salang ni hte Daw Aung San Suu Kyi ni, March praw 1 ya shani Nay Pyi Daw hta hkying hkum lahkawng daram hkrum bawng ban ai lam chye lu ai.
DPN ningbaw salang Khu U Ye ( ခူဦးရယ္ ) woi awn hpung ni gaw, Daw Aung San Suu Kyi hte hkrum zup bawngbawn ai hta NCA lakmat htu na hte seng nna tang shawn jahkrup nga ai
lawng lam ( 9 ) hpe jahkrup bawngban ai rai nna, dai lawng lam a ntsa Daw Aung San Suu Kyi hku nna hpa ningmu njaw ai re hpe chye lu ai.
Zuphpawng ngut ai hpang shiga dap ni hpe sanglang dan ai hta DPN ningbaw salang ( ခူဦးရယ္ ) tsun ai gaw, “Ndai zuphpawng gaw rawt jat ai lam nga ai, asuya hte jahkrup ra ai lawng lam ni hpe matut jahpra mat wa na, UNFC hku na gaw, NCA hkrun lam hku jahkrup bawngban mat na lam hte laknak lang uhpung ni yawng myithkrum ra ai” nga, tsun ai hpe chye lu ai.
DPN salang ni hte Dr. Thin Myo Win woi awn ai asuya salang ni gaw, March 3 ya shani Yangon NRPC rung hta matut bawngban sa wa na re lam chye lu ai.
