Du mare buga hpung masha ni hpe malu masha garum jaw na
Myitkyina Ginwang, Du Mare Buga Nawku Hpung Komiti ni woi awn nhtawm, Du mare buga hkalup hpung htinggaw shagu hpe malu masha garum jaw na matu May shata praw 6 ya shani kaw nna hkyen lajang nga ai lam chye lu ai.
Htinggaw langai mi hpe n-gu bye 5, sau hte gala shapre garan jaw ai rai nna, ndai malu masha ni gaw buga nawku hpung kawn hpung masha ni yak hkak nga ai ten myit dum garum jaw ai lam re.
“Ya aten gaw law malawng ngu na daram shinggan nmai le ai re majaw, buga hpung masha ni hpe nawku hpung komiti kanu kawa ni hku nna dangdi dangdep ai daram tsawra myit madun ai lam re” nga nna Du mare nawku hpung a ramma hpa-awn Lahtaw Mung Awng tsun ai.
Du mare buga hpung kata hta hpung htinggaw yawng 770 jan nga ai rai nna, htinggaw yawng mahkra hpe gu gu ra ra garan jaw na re lam chye lu ai.
May shata praw 5 ya shani hta mung Htoi San Yang buga hpung kaw nna Htoi San Yang buga hpung masha ni hpe n-gu, sau, shakau hkyeng, shakau hpraw, jum hte bawp tawng ni hpe garum jaw ai lam chye lu ai.
