Du Up Daju Petru Lahpai La a makoi mayang akyu hpyi hpawng galaw
Du Up Daju Petru Lahpai La a makoi mayang akyu hpyi hpawng hpe January shata 10 ya shani hkying 12:00pm aten, Sinpraw Majoi Manau Gawknu kaw galaw la lu sai re.
Du Kaba gaw January shata praw 8 ya shana daw hkying 5:45pm aten, Madu Yesu hta yup pyaw mat wa sai rai nhtawm, ngam nga ai shi a hkum tsawp moi mang hpe Laiza hkristan lup ding lup ra kaw makoi mayang sai.
Du Kaba gaw Ginjaw Tara Masa Magam Dap a Lit Hkam, magam bungli hpe gun hpai nga ai ten, mungkan a ana zinli a majaw asak 75 ning hta madu yesu hta yup pyaw mat wa sai re.
Du Kaba gaw Shang Lawt magam bungli hta kang ka sadi dung myu tsaw mung tsaw ai myit hte galaw lai wa sai rai nna, dinghku nta masha ni hte makyin jinghku ni yawng hpe tsawra myit kaba hte zinlum chye ai wa re hpe chye lu ai.
Lai wa sai ten Du Kaba gaw shawng nnan Myen mung asuya a magam bungli hpe gun hpai lai wa sai rai nna, 1992 ning November shata (10) ya shani, Shanglawt Dap de du shang wa ai lam chye lu ai.
Du Kaba hta chyu pawng ai kahpu kanau ni yawng marai 8 nga ai rai nna, shi a kasha yawng marai 4 nga ai hte shi a dai daw buga gaw, Mali Nmai Wa Lawng, Sumpra Bum Ginwang, Nraw Kawng Ginwang Daw, Kachyi Htu mare rai nna, ya hpang de shi dinghku jahkrat da ai gaw, Myitkyina, Du Mare kaw re lam chye lu ai.
