Federal Law Academic Jawng yu shagrau hpawng galaw

Mai Ja Yang Federal Law Academic jawng kaw na Awng pru wa ai jawngma ni a jawng yu shagrau hpawng hpe September, 28 ya jahpawt hkying 9:30am aten hta galaw ai lam chye lu ai.

Jawngma yawng marai ( 54 ) kaw na jawng yu ai jawngma gaw marai ( 29 ) rai nhtawm, Federal Law Academic Jawng a shawng nnan lang ngu na

jawng yu hpawng re hpe mung chye lu ai.

2014 ning June shata kaw nna hpaw hpang sa wa ai ndai Jawng gaw Tengman Tara Rap Ra Ai Federal Munghpawm Mungdan byin tai wa na hpe yaw shada ai lam, Jawng a hpaji sharin ladaw hpe lahkawng ning masat tawn da nhtawm lata tut mungshawa ni nga ai shara Mare kahtawng ni, Hpyen yen ni nga ai dabang shara ni de pru hkawm hkaja ai lam ni mung galaw ai hpe chye lu ai.