Federal Law Academy jawngma nnan hkapla nga
Sinpraw Ginwang Ginjaw, Mai Ja Yang Muklum kaw hpaw sharin nga ai, Federal Law Academy dakkasu jawng hta jawngma nnan ni hpe hkapla nga sai lam chye lu ai.
2026-2027 ning hpaji ladaw, Federal Law Academy dakkasu jawng hta jawng lung na jawngma ni hpe February shata kaw na May shata du hkra, jawng mying hkapla hpang nga sai lam, jawng komiti ni kaw na chye lu ai.
Federal Law Academy dakkasu jawng hta Myen mung kata nga ai amyu baw sang ramma ni yawng sa du sharin hkamla mai ai rai nna, tara upadi hte seng ai chye na hkawn hkrang ai hte mung masa ahkaw ahkang, shinggyim ahkaw ahkang, mungkan tarawng tara lam hte mungshawa hpe ap nawng daw jau lam woi lu ai, ningbaw ningla ni byin tai lu hkra sharin ya nga ai jawng re hpe chye lu ai.
Ndai jawng hta asak 18 ning kaw na 35 ning lapran na ni hpe sha hkapla sa wa na rai nna, Federal Law Academy dakkasu jawng hpe KIO Asuya kawn, hpaw sharin nga ai jawng re hpe chye lu ai.
