Ga gyi kaput lawm mat ai lungseng tam masha marai 6 a moimang hpe mu tam la

Hpakant, Maw Mung mare makau na ဧရာရတနာ Company ni a shara dingsa kaw July 24 ya jahpawt ga gyi ru wa ai hta masha marai 30 jan lawm mat ai kaw na, July 26 ya shani gaw, marai 6 a moimang hka nawng kaw waw pru wa ai majaw sa lu shaw da ai lam, Maw Mung mare na salang langai tsun ai.

Ya mung hka wawn jawn nna naw matut tam nga ma ai, ndai kaw shinggyim nauna garum ningtum hpung ni, wan sat dap ni, Red Cross wuhpung ni hte mare masha ni jawm tam nga ding yang re lam, salang wa tsun ai.

Ndai kaw si lawm mat ai masha ni gaw, Maw Mung, Hpapin, lawu Metlinjawng hte Sabaw mare hkan na lungseng tam masha ni re lam chye lu ai.