Gala (India) Mungdan na Jinghpaw hpunggyi kaba Urang Zau hte KBC ningbaw ningla ni hte hkrum

Gala (India) Mungdan na Shapawng Yawng Singhpo Amyu rai nga ai, Jinghpaw hpunggyi kaba Urang Zau hte KBC ningbaw ningla ni gaw, December shata 16 ya jahpawt hkying 10:00am aten kaw nna hkying 11:00am aten du hkra, KBC ginjaw rung kaw hkrum shaga ai lam chye lu ai.

Jinghpaw hpunggyi kaba Urang Zau hpe Sutdu Nsang Tu Awng ni woi sa wa ai rai nna, KBC ginjaw rung kaw hkrum shaga ai lam hpe KBC Ningbaw Rev. Dr. Hkalam Samson ya na zawn tsun ai.

“Gala mung kaw nga ai Jinghpaw Wunpawng Amyusha ni hpe Jinghpaw laika hte music hpe sharin ya nna, htaw ra de nga ai Wunpawng sha ni hte anhte ni mahkri shawn wa na matu, madung gaw dai rai nga ai” nga nna tsun ai.

Jinghpaw hpunggyi kaba Urang Zau gaw, Du kahtawng KBC nawku jawng, Shatapru nawku jawng, Awng Nan RCM nawku jawng hte Kachin State People’s Party (KSPP) na lit nga ai Salang ni hte mung, sa du hkrum hkawm ai lam chye lu ai.

Photo; Facebook