Gangfang hpe KIA zing
Miwa mung jarit Gangfang mare hpe KIA ni zing madu la lu sai lam chye lu ai.
November shata praw 4 ya shana maga hkying 3:30pm aten daram hta Hpimaw, Gangfang mare hpe KIA pawng hpawm hpyen hpung ni zing madu la lu sai lam, shawnglam lit nga ai salang langai tsun ai.
Gangfang mare kata gasat gala majan byin ai lam nnga ai sha padang dip la lu ai rai nna, P.T.Ts marai (100) jan mung laknak jahkrat let, KIA maga de sa pawng mat ai lam nga ai hpe chye lu ai.
Matut nna Gangfang mare de KIA pawng hpawm hpyen hpung ni du shang wa ai ten hta raitim, dai ginra na mungshawa ni KIA pawng hpawm hpyen hpung ni hpe hkap tau la ai lam ni galaw ai hpe chye lu ai.
