Ginjaw Ginra de gumshem Myen hpyen dap nbungli bawm wa jahkrat bun

Ginjaw Ginra makau grup yin de gumshem Myen hpyen dap ni nbungli hte bawm wa jahkrat bun ai lam chye lu ai.

October shata 19 ya jahpawt hkying 1:14am aten daram hta Meiktila kaw na rawt lung wa ai, gumshem Myen hpyen dap MiG-29 nbungli, Ginjaw Ginra makau grup yin de bawm wa jahkrat bun ai lam, ginra masha ni tsun ai.

Nbungli bawm wa jahkrat bun ai hta Lamai Yang mare kaw wa hkrat kapaw ai majaw, Salang. Njung Awng hte shi a ningrum ningtau jan, Hpaugan Lu Ra asak si sum mat ai rai nna, dum nta hte dum su ni hkra hkala si sum mat ai lam nga ai re.

Ya bawm wa jahkrat bun ai shara gaw, hpyen dap hte ni kahtep ai lam nnga ai sha n-ga, makau grup yin hta gasat gala majan byin ai lam mung nnga ai shara kaw wa jahkrat bun ai re lam chye lu ai.