Ginjaw Ginra grup yin hta gasat gala matut byin
Ginjaw Ginra Ginwang Ginjaw, Salawng Kawng (Tower Shadaw) grup yin hta May shata 14 ya shana hkying 8:56pm aten kawn, munite(10) daram na hkra, KIA hte Myen Gumshem hpyen hpung ni gasat gala byin ai lam chye lu ai.
May shata 14 ya shana hkying 7:30pm aten hta mung Masat (5) Dap Ba, Masat (25), Masat (30) Dap Dung ginra de Kung Law- Myo Tit maga kaw nna laknak kaba matut manoi gap bun ai lam nga ai. Dai aten laman hta sha Dap Dung (23) ginra, Laja Yang, Lung Rawk, Yi Hku Kawng, Masen Kawng, Bum Re Bum hte Lai Lum na Myen Gumshem hpyen dap ni kawn munite (5) daram na hkra sinat kaji ni hte gap shadam ai lam nga ai re hpe shawng lam shi sawk ni tang madun da ai.
Masat (3) Dap Ba, masat (1) Dap Dung ginra, Hpri Hta Bum makau grup yin hta mung May shata 14 ya shani hkying 10:20am aten laman, Myen Jet nbungli (1) hte bawm wa jahkrat gap bun ai, hkying 10:28am aten hta mung Jep nbungli (2) hte bawm jahkrat gap bun ai re lam shawng lam shi sawk ni kaw nna chye lu ai.
